Жамгыр жаап, карга айланат. Кыргызгидрометтин эскертүүсү

Кыргызстанда 1-октябрда туруксуз аба ырайы күтүлөт: көпчүлүк аймактарда жаан жаап, тоо этектериндеги райондордо кар жаашы мүмкүн. Кээ бир жерлерде жаан-чачын катуу болот.

• Чүй, Талас өрөөндөрүндө 11...16°;
• Ош, Жалал-Абад жана Баткен облустарынын өрөөндөрүндө 16...21° чейин;
• Ысык-Көл жана Нарын облустарынын дыйканчылык зонасында 9...14°,
• тоолуу райондордо 1...6°,
• бийик тоолуу аймакутарда -1...+4° суук болот.

Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге чейин жетет.

Мындай туруксуз аба ырайы автоунаа, байланыш, энергетика жана коммуналдык кызматтардын ишин жана жайыттарда малды кармоону кыйындатат.

2-октябрда түнкүсүн Чүй, Талас, Ысык-Көл, Нарын облустарынын дыйканчылык аймактарында 1...3 градуска чейин үшүк жүрүшү күтүлөт.

Мындай үшүк жашылча-жемиш өсүмдүктөрүнө, казылган жана ачылбаган картошка, кант кызылчасы үчүн коркунучтуу.