Адахан Мадумаров: Президенттин Кемпир-Абад боюнча жолугушуусу спектакль болду
Президент Садыр Жапаровдун Өзгөндөгү жолугушуусу спектакль болду. Мындай оюн Жогорку Кеңештин жыйынында депутат Адахан Мадумаров билдирди.
Мадумаровдун айтымында, ал жергиликтүү кеңештин депутаттарынан чек арадагы чыр-чатактар боюнча ачык айтууну талап кылган.
"Айылдык кеңештин депутаттарына чек арадагы талаш-тартыштар боюнча өз чечимин ачык-айкын айтууну талап кылдым. Жердин ээси эл. Бүгүнкү күндө эки айылдык кеңештин депутаттары Кемпир-Абад суу сактагычын өткөрүп берүүгө каршы болуп жатышат", - деди ал.
Ошондой эле депутат өткөрүп берүүгө каршы чогулгандар пикет болгон жерден чыгарылганын айтты.
"Элдер өздөрү чогулуп боз үй тигипалышкан. Бирок түнкү саат 01:00дө күч колдонуп, боз үйлөрүн чечип кетишкен. Кырдаал курчуп кеткиле жооптуу адамдар келип ачык маалымат бергени жакшы", - деди Мадумаров.
Кесиптеши Дастан Бекешев да Кемпир-Абад боюнча бардык маалыматтарды берүүнү талап кылды.
