Садыр Жапаров иш графигине байланыштуу Санкт-Петербургдагы бейформал саммитине барбайт
Кыргызстандын президенти Садыр Жапаров Санкт-Петербургда өтө турчу КМШнын бейформал саммитине катышпайт. Бул тууралуу Kaktus.media сайтына өлкө башчынын басма сөз катчысы Эрбол Султанбаев билдирди.
Анын себеби президенттин иш графиги болгон.
"Кыргыз тараптан мамлекеттик катчы Сүйүнбек Касмамбетов Россиянын президенти Владимир Путиндин 70 жылдык мааракесине карата президенттин куттуктоосун жеткирүү үчүн жөнөтүлдү", - деди басма сөз катчы.
Эске салсак, бейрасмий саммиттин алкагында Тажикстандын президенти Эмомали Рахмондун да келиши күтүлүүдө. Ал 70 жылдык мааракесине байланыштуу 3-даражадагы "Мекенге сиңирген эмгеги үчүн" ордени менен сыйланат. Кыргыз Республикасынын Тышкы иштер министрлигинин басма сөз катчысы мындай сыйлык үчүн таң калганын билдирген.
