Кримтөбөл Көлбаевдин кылмыштуу тобунун эки мүчөсү кармалды

Кримтөбөл Камчы Асанбектин (Көлбаев) уюшкан кылмыштуу тобунун дагы эки мүчөсү кармалды. Бул туурасында УКМКдан кабарлашты.

Тема боюнча:

Крим чөйрөдө Чач деген каймана аты бар жаран кармалды. Видео

Белгилүү болгондой, Чүй облусунун жана Бишкек шаарынын аймагында жалган ишкердик фактысы боюнча кылмыш иши козголгон. Тергөө иштеринин жүрүшүндө 14-июлда К.Асанбектин уюшкан кылмыштуу тобунун активдүү мүчөлөрү кармалды. Алардын бири "Узун Улан" каймана аты бар У.Барчакеевдин аталаш бир тууганы, К.Асанбектин коопсуздук кызматынын башчысы - С.А.С. жана уюштуруучу Т.К.Б. кармалды.

Сүрөт: УКМКнын маалымат кызматы

Сүрөт: УКМКнын маалымат кызматы

1 из 2

Бул адамдар финансылык документтерди жасоо менен өзгөчө ири өлчөмдө салык төлөөдөн качуунун мыйзамсыз схемасын уюштурушкан, андан 151 млн сом зыян келтирилген.

Жалган фирмаларды салык органдарына каттатуу менен "Ак-Тилек" жана "Чалдавар" автожол бекеттери аркылуу товарларды ЕАЭБ өлкөлөрүнө экспорттоо жана ташуу менен алектенишкен.

Учурда тергөө ыкчам иш-чаралары жүргүзүлүп, кармалгандар УКМКнын тергөө абагынын убактылуу кармоочу жайына киргизилди.