Кызамык оорусунан улам Жалал-Абадда эки мектеп онлайн окутууга өттү

Жалал-Абад шаарында кызамык оорусуна байланыштуу эки мектеп онлайн окутууга өткөрүлдү. Бул туурасында бүгүн, 30-октябрда президенттин Жалал-Абад облусундагы ыйгарым укуктуу өкүлчүлүгүнөн маалымдашты.

Тема боюнча:

Өлкөдө кызамыкка каршы эмдөө кампаниясы башталды

Республикалык иммунопрофилактика борборунан жанан Билим берүү министрлигинен редакцияга кийинчерээк кеңири маалымат берилерин билдиришти.

Белгилесек, Республикалык иммунопрофилактика борборунун 28-октябрга карата берген маалыматы боюнча, 2023-жылдын башынан бери 2316 адамдан кызамык оорусу аныкталган. Аймактар ​​боюнча:

• Бишкек шаары – 660;
• Ош шаары – 302;
• Ош облусу – 654;
• Баткен облусу – 93;
• Чүй облусу– 277;
• Жалал-Абад облусу боюнча – 170;
• Талас облусунда – 84;
• Ысык-Көл облусунда – 65;
• Нарын облусунда – 11.⠀

Оорулардын көбөйүшүнүн негизги себеби - кызылча жана кызамык оорусуна каршы балдарды жана чоңдорду пландуу эмдөөнүн кыскарышы.⠀

Башкы беттеги сүрөт иллюстрациялык.