Камчы Көлбаевдин унаалары аукционго коюлду

Министрлер кабинетинин алдындагы мамлекеттик мүлктү башкаруу агенттиги люкс класстагы унаалар электрондук аукционго коюлганын жарыялады. Аталган агенттиктен кримавторитет Камчы Көлбаевге (Асанбек) таандык унаалар да бар экенин ырасташты.

BMW Alpina XB7 унаасы, чыккан жылы - 2021. Баштапкы баасы - 18 млн сом (201,9 миң доллар).

Hyundai Genesis унаасы, чыккан жылы - 2019. Баштапкы баасы - 2,8 млн сом (31,4 миң доллар).

Kia Rio X-LINE унаасы, чыккан жылы - 2019. Баштапкы баасы - 1,15 млн сом (12,9 миң доллар).

Mercedes-Benz S600 унаасы, чыккан жылы - 2017. Баштапкы баасы - 25,5 млн сом (286,1 миң доллар).

Mercedes-Benz G500 унаасы, чыккан жылы - 2013. Баштапкы баасы - 5,4 млн сом (60,5 миң доллар).

Toyota Land Cruiser Prado унаасы, чыккан жылы - 2005. Баштапкы баасы - 1,25 млн сом (14 миң доллар).

Электрондук аукцион http://auctionetp.gov.kg порталында жүргүзүлөт. Башталышы 11-декабрь, саат 12:00.

Электрондук аукционго катышуунун шарттары жана кеңири маалыматты Мамлекеттик мүлктү башкаруу агенттинин сайтынан табууга болот.

Буга чейин Улуттук коопсуздук мамлекеттик комитети Камчы Көлбаевдин каражатына сатылып алынган 15 баш асыл тукум жылкыларын бааларын жарыялап, аукциондо сатыларын маалымдаган.