Ош шаарындагы борбордук базар көчүрүлөт
515
УКМКнын төрагасы Камчыбек Ташиевдин катышуусунда Ош шаарынын мэриясында жыйын өттү. Анда селдин кесепеттерин тез арада жоюу, жаратылыш кырсыктарынын алдын алуу үчүн Ош шаарынын борбордук базарын эки айлык мөөнөттө көчүрүү иштерин тездетүү боюнча тапшырмалар берилди.
Ош шаардык мэриясы кабарлагандай, жыйында төмөнкү тапшырмалар берилди:- Ак-Буура дарыясы аркылуу өткөн бардык мыйзамсыз көпүрөлөрдү алып салуу;
- Ак-Буура дарыясынын суу корук аймагында мыйзамсыз курулуштарга уруксат берген бардык жетекчилердин жоопкерчилигин кароо;
- Селден жабыркаган (өлкө боюнча каза болгон) 25 жарандын үй-бүлөсүнө 1 миллион сомдон бөлүп берүү;
- Табигый кырсыктан турак-жайы бузулуп, кооптуу деп табылган жарандарга 1 миллион сомдон бөлүп берүү;
- Үйү капиталдык оңдоону талап кылган тургундарга - ар бирине 500 миң сомдон бөлүп берүү;
- Ош шаарынын борбордук базарында кырсыктан жапа чеккен соодагерлерге 100 миң сомдон бөлүп берүү.
Белгилесек, бүгүн, 19-июлда УКМКнын төрагасы Камчыбек Ташиев Ош шаарына селден кийинки абал менен таанышуу үчүн барып, жергиликтүү тургундар менен жолугушту.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/16713