Ошто ипотекалык үйлөрдүн ачкычтары тапшырылды

Коом

130

8 июнь 2026 13:09

Негизги жаңылыктар кыскача Telegram каналында

Бүгүн, 8-июнда Ош шаарындагы Мамлекеттик ипотекалык компания тарабынан курулган "Асман Резиденс - 1" турак жай комплекси жана онлайн-режимде Ош облусундагы Жаңы-Арык айылындагы көп кабаттуу турак үй ачылды. Иш-чарага Садыр Жапаров катышты.

Сүрөт: Президенттин администрациясы

"Мамлекеттин негизги милдеттеринин бири – бул үйгө муктаж жарандарды жеткиликтүү жана сапаттуу турак жай менен камсыз кылуу деп айтып келебиз. Айткан сөзүбүз ишибиз менен айкалышып, өлкөбүздө турак жай куруу мурда болуп көрбөгөндөй темп менен жүрүп жаткандыгына өзүңүздөр күбөсүздөр", - деген президент.

Сүрөт: Президенттин администрациясы

"Асман Резиденс - 1" турак жай комплекси 8 блоктон турат, 12 кабаттуу. Ар бир блок 543 батирден турат. Жер астындагы унаа токтотуучу жай, балдар аянтчасы, коммерциялык жайлар жана башка зарыл инфраструктуралар каралган.

Сүрөт: Президенттин администрациясы

Садыр Жапаров баштапкы планга ылайык, комплекстин куруп бүтүү мөөнөтү ушул жылдын 4-кварталы деп белгиленгенин, бирок адистердин биргелешкен ишинин аркасында объект белгиленген мөөнөттөн мурда курулганын айтты.

Тема боюнча:

Ошто ипотекалык "Асман" турак жай комплекси курулат

Ал эми Кара-Суу районунун Жаңы-Арык айылында көп кабаттуу 5 үйдүн ачылышы онлайн өттү. Биринчи этабында 225 батир тапшырылды, 2-этап менен жыл соңуна чейин дагы 225 батир курулуп бүтүп, ээлерине берилет.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.

url: https://kaktus.kg/17971