Камчыбек Жолдошбаевдин (уялчаак депутат) кудасы шайлоочуларга акча берип жатканда кармалды
№26 Ленин шайлоо округу боюнча депутаттыкка талапкер Камчыбек Жолдошбаевдин кудасы Бишкектин шайлоочуларына пара берип жаткан жеринен кармалды. Бул тууралуу Kaktus.media редакциясына күч түзүмдөрүнүн кызматкерлери билдиришти.
Эскерте кетсек, УКМК Жогорку Кеңештин депутаттыгына талапкерлердин биринин тууганы шайлоочуларды сатып алып жаткан жеринен кармалганы тууралуу маалымат тараткан болчу.
Маалым болгондой, ошол адам Камчыбек Жолдошбаевдин кудасы экени белгилүү болду.
Белгилей кетсек, Камчыбек Жолдошбаевдин күйөө баласы – Айбек Сыдыков бир нече жолу ар кандай чуулгандуу иштерге аралашкан. Кылмыш иликтөө күнү ал кесиптеши Бакыт Увалиев менен бирге "Ретро-Метро" түнкү клубунун имаратында ок атып, андан сырткары чыкканда мас абалында кырсыкка кабылган.
