"Кол салуу эмес." Камчыбек Ташиев Текебаевдин окуясы боюнча комментарий берди
RU

"Кол салуу эмес." Камчыбек Ташиев Текебаевдин окуясы боюнча комментарий берди

Все самое интересное в Telegram

Улуттук коопсуздук боюнча мамлекеттик комитеттин төрагасы Камчыбек Ташиев "Ата Мекен" партиясынын лидери Өмүрбек Текебаевге кол салуу боюнча комментарий берди.

"Баары мыйзам чегинде каралып жатат. Иш козголуп, аны ИИМ тергөөгө алды. Кылмышкерлер кармалып, тергөө иштери уланууда. Кооптонууга негиз жок. Баары жакшы", - деп билдирди УКМКнын башчысы.

Анын айтымында, Текебаевдин иши кол салуу эмес.

"Бул кол салуу эмес. Атайын эч ким Текебаевге кол салганы келген жок. Ал жөн эле бирөө менен уруша кетиптир, анан уруп кетишкен. Учурда кылмышка шектүүлөрдүн бири камакка алынды. Бардык күнөөлүүлөр мыйзам чегинде жазаланат", - деди Ташиев.

Эскерте кетсек, 1-декабрдын алдында белгисиз адамдар Текебаевди курчоого алып, уруп кетишкен. Саясатчынын айтымында, алар аны автобуска салып, белгисиз тарапка алып кетүүнү көздөшкөн. Бирок, андан кийин кол салгандар качып кетишкен.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/4617