2-мартка карата Украинадагы аскер операциясы. Материал жаңыланып турат
Бүгүн 2-март, Россиянын президенти Владимир Путин Украинада атайын аскер операциясы өтөт деп жарыялагандан бери бир жума өттү. Азыркы тапта Украинада эмне болуп жатканын бул материалдан окуңуз. Кечээки окуяларды бул жактан таба аласыз.
БУУнун Гаагадагы элэ аралык соту Украинанын Россияга каршы доо-арызы боюнча угууларды 7-8-мартка даайыдады, деп Би-би-синин орус кызматы кабарлады.
Россиянын генералдык прокуратурасы Роскомнадзордон "Дождь" менен "Эхо Москвы" сайттарына чектөө киргизүүнү талап кылды. Бул тууралуу ведомствонун билдирүүсүндө жазылган.
Айрым маалыматтар боюнча Россиянын аскери Украинанын түштүгүндөгү Херсон шаарын басып алды. Шаардын мэри өлкөнүн борбордук өкмөтүнө жана гуманитардык уюмдарга кайрылып, дары-дармек жана тамак-аш жөнөтүүнү жана жарадар болгондорду эвакуациялоону суранды.
Шаардык кеңештин өкүлү шаар үчүн жүргөн салгылашууда курмандыктар бар экенин, кадимки жашоочулар да каза болгонун Би-би-сиге айтып айтып берди.
Украинанын Куралдуу күчтөрүнүн генералдык штабы алардын аймагында аскер операциясы башталгандан бери 5 840 россиялык жоокер каза болгонун билдирди. Андан тышкары:
- учактар - 30;
- тикучактар - 31;
- танкалар - 211ге чейин;
- аскерий бронемашина - 862;
- артиллериялык система - 85;
- зенит согуш аракетинин системалары - 9;
- RSV / MLRS - 40;
- күйүүчү май челеги - 60;
- БПЛА оперативдик тактикалык деңгээль - 3;
- жарык катерлери - 2;
- автомобилдик / транспорттук каражаттар - 355 даанасы талкаланды деп маалымат таратты.
Бул маалыматтын чын-төгүнүн ырастоо мүмкүн эмес, себеби Россиянын коргоо министрлиги азыркы күнгө чейин өзү тараптагы жоготуулар боюнча эч кандай маалымат бере элек.
