Эгемендүүлүк күнү салтанаттуу белгиленет. Оюн-зоок, концерттердин программасы

Бишкекте Эгемендүүлүк күнүнө карата бир катар салтанаттуу иш-чаралар өткөрүлөт. Борбор калаа башкармалыгы 31-августта орун ала турган иш-чаралардын программасын жарыялады.

Ага ылайык, башкы концерт саат 19:30да Ала-Тоо аянтында кыргыз эстрада жылдыздарынын катышуусунда өтөт.

Ден соолук сейил багында

• Саат 16:00-19:00 - райондун балдары үчүн спорттун 5 түрү (волейбол, жеңил атлетика, кичи футбол эстафетасы, аркан тартыш) боюнча спорттук иш-чаралар өткөрүлөт.
• Саат 16:30да экстремалдык спортчу Алексей Владимирович Тепляшиндин 3 автобусту өз күчү менен сүйрөп, рекорд көрсөтүүсү пландалууда.

Биринчи Май району

• 26-августта саат 20:00дөн 23:00гө чейин Улуттук тарых музейинин алдында "Кыргыз модасына таазим. Байыртадан бүгүнкүгө чейин" иш-чарасы болот.
• 27-августта саат 12:00дө Мурас-Ордо" жаңы конушунда активисттердин жана фольклордук ансамблдердин катышуусунда "Ыр-Кесе" ыр сынагын өткөрүү пландалууда.

Свердлов району

• 30-августта саат 10:00дө "Кара жыгач" сейил багында райондун жашоочулары үчүн концерттик программа менен коштолгон иш-чара өтөт.
• 30-августта саат 11:00дө №11 орто мектептин аянтында шаардыктар жана активисттер үчүн спорттук оюндар өткөрүлөт.
• 31-август күнү саат 11:00дө №52 орто мектептин спорт аянтчасында спорттук оюндарды өткөрүү пландалууда.
• 31-август саат 11:00дө Эне-Сай конушунда концерттик программа жана спорттук мелдештер уюштурулат.

Октябрь району

• 31-августта саат 18:00-21:00гө чейин "Ынтымак-2" сейил багында Street Food фестивалы уюштурулат. Иш-чара ар кандай кулинардык турнирлер жана оюндарды камтыйт.

Ленин району

• 31-августта саат 10:00дө Ак-Өргө конушунда, Жолон/Алыкулова көчөлөрүнүн кесилишинде майрамды утурлай балдар спорт аянтчасын ачуу пландалууда. Иш-чара албетте концерттик программа менен коштолот.
• 31-августта саат 14:00 Ала-Арча конушунда, Сыдыгалы/Шералиева көчөлөрүнүн кесилишинде дагы шаардыктарга майрамдык иш-чара пландалган. Автобусту тартуу боюнча рекордду көрсөтүүнү пландап жатат.

Тема боюнча:

Байге фонду 3 миллион сом. Бишкекте эл аралык айтыш өтөт