Жапаровдон мектеп салып берүүнү суранган бала президент менен жолукту
Ысык-Көл облусунун Түп районундагы Балбай айылынын кичинекей тургуну, сегиз жаштагы Бекболот Турдушов президент Садыр Жапаров менен жолукту. Мындан мурун, ал айылына эки кабат мектеп салып берүүнү суранган болчу. Бекболоттун президент менен түшкөн сүрөтү Instagram баракчага чыккан.
"Мына! Интернет жылдызына айланган Бекболот Турдушовдун президент Садыр Жапаров менен жолугаар күнү келип, дасторкон үстүндө сүрөткө түшүп баарлашып кетти", - деп президенттин социалдык тармактардагы баракчаларында жазылган.
Эске салсак, февралдын башында, Балбай айылынын мектеп окуучусу инстаграм баракчасына видеокайрылуу жайгаштырып, анда президент Садыр Жапаровдон айылына эки кабат мектеп куруп берүүнү суранат. Видео соцтармактарда абдан популярдуу болуп, элге кеңири жайылып кетет.
