Кыргызстандын 7 миллионунчу жараны 11,5 миллион сом алат

Кыргызстандын 7 миллионунчу жараны Жакшылык мамлекет тарабынан бөлүнгөн акчаны 16 жашка чыкканда алат. Ал убакта Жакшылык 1 миллион эмес 11,5 миллион сом аларын министрлер кабинетинин төрагасынын орун басары Эдил Байсалов Twitter`деги баракчасына жазды.

Сүрөт: Эдил Байсаловдун баракчасынан алынды

Байсалов белгилегендей, Жакшылыктын атына "Айыл Банктан" депозиттик эсеп ачылган.

"Жакшылык 16 жашка чыкканда 11,5 миллион сом алат. Ал эми анын ата-энесине миллион сомдон тышкары көрүндүк иретинде 200 миң сом берилди. Ушундай эле белек президенттин чечими менен дагы ар бир облус жана Бишкек, Ошто удаа төрөлгөн сегиз балага тапшырылат", - деди Байсалов.

Белгилесек, 19-октябрда Кыргызстандын калкы 7 миллионго жетип, наристе Баткенде төрөлгөн. Ага Садыр Жапаров Жакшылык деген ысым ыйгарган.

Тема боюнча:

Сүйүнчү! Кыргызстанда 7 миллионунчу наристе төрөлдү