Жогорку Кеңештин делегациясы Өзбекстанга учуп кетти. Курамы

Төрага Нурланбек Шакиев баштаган Жогорку Кеңештин делегациясы Көз карандысыз Мамлекеттер Шериктештигине мүчө мамлекеттердин Парламенттер аралык ассамблеясынын (КМШ ПАА) жыйындарына катышуу үчүн Самаркандга (Өзбекстан) учуп кетти.

Жогорку Кеңештин басма сөз кызматы билдиргендей, иш-чаранын программасында КМШ ПААнын 54-пленардык жыйыны, Жогорку Кеңештин депутаттарынын катышуусунда Парламенттер аралык ассамблеянын туруктуу комиссияларынын жыйыны, ошондой эле КМШ ПААнын Ч.Айтматов атындагы сыйлык тапшыруу аземи болот.

Мындан тышкары, Шакиевдин КМШга мүчө-мамлекеттердин парламент башчылары менен эки тараптуу форматта жолугушуусу пландалууда.

Делегациясынын курамы:

• Искендер Матраимов;
• Аида Исатбек кызы;
• Алишер Козуев;
• Жусупбек Коргонбай уулу;
• Арсланбек Малиев;
• Талайбек Масабиров;
• Жылдыз Таалайбек кызы.