Кадамжайда 8-класстын окуучусунун зордукталып, өлтүрүлүшү. Эки шектүү асынып алды

Баткен облусунун Кадамжай районунда 14 жаштагы кыздын зордуктоого жана өлтүрүүгө шектүүлөрдүн экөө асынган абалда табылды. Бул тууралуу Kaktus.media сайтына укук коргоо органдарынан билдиришти.

Алардын айтымында, шектүүлөр Ош шаарындагы СИЗОдо камакта болчу. 3-декабрда кечке маал шектүүлөрдүн экөө өз жандарын кыйган.

Тема боюнча:

Баткендеги 14 жаштагы кыздын өлүмү: Дагы бир шектүү кармалды

Эске салсак, 5-сентябрда Баткен облусунун Кадамжай районунда 8-класстын окуучусу өлтүрүлгөнү белгилүү болгон. Алдын ала маалыматтарга караганда, аны алгач зордуктап, кийин кылмышын жашыруу үчүн муунтуп өлтүрүшкөн. Кыздын сөөгү жолдун астындагы туннелден табылган. Бул факты боюнча мурда үч адам кармалып, кийинчерээк жашы жете элек дагы бир бала кармалган.