Милиция кызматына талапкер кызды өлтүрө сүзгөн айдоочу кармалды
RU

Милиция кызматына талапкер кызды өлтүрө сүзгөн айдоочу кармалды

Негизги жаңылыктар кыскача Telegram каналында

Бишкекте 24 жаштагы кызды өлтүрө сүзүп, окуя болгон жерден качып кеткен айдоочу кармалды. Бул туурасында Республикалык жол кыймылынын коопсуздугун камсыздоо башкы башкармалыгынан кабарлашты.

Эске салсак, 9-январда болжол менен саат 07:10 чамасында, Жибек Жолу көчөсү менен Республика көчөсүнүн кесилишинде жол кырсыгы катталган. Анда айдоочу 1998-жылы туулган У.А. аттуу жөө жүргүнчүнү сүзүп, окуя болгон жерден из жашырып, белгисиз тарапка качып кеткен. Кырсыктын кесепетинен жабырлануучу жеринде каза болгон.

Бул факты боюнча ыкчам издөө иш-чаралары жүргүзүлүп, кылмышка шектүү катары 1974-жылы туулган У.Н. аттуу айдоочу кармалды. Ал Бишкек ШИИББдин тергөө кызматына андан ары тийиштүү чара көрүү үчүн өткөрүлдү.

Белгилей кетсек, каза болгон кыз милиция кызматына талапкер болгонун ИИМдин академиясынан кабарлашкан.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60.
url: https://kaktus.kg/9905