Нурсултан Майназаров Гүлзат Мамытбектин айыптоосун четке какты
Буга чейин Гүлзат Мамытбек атайын чакырылган иш-чарада сүйлөйүн десе микрофонун өчүрүп салышканын айтып, видео жарыялаган. Ал уюштуруучулардын, белгилүү алып баруучулар - Санжар Мыкыев менен Нурсултан Майназаровдун атын атап, нааразычылыгын билдирген.
Окуянын чоо-жайын билүү үчүн экинчи тарапка дагы байланышып көрдүк. Алып баруучу Нурсултан Майназаров жок жерден эле жаманатты болгонун айтат.
"Мен иш-чарага башынан катышкан эмесмин. Гүлзат Мамытбек конок болгон иш-чарага мен 16:00дөн кийин баргам. Ал эми Гүлзат айым саат болжол менен 14:00дө сөз сүйлөгөн. Мен ал учурда иш-чарада жок болчумун. Конференцияда Гүлзат айым экөөбүз кезиккен эмеспиз", - деди.
Блогер Гүлзат Мамытбектин айткандарына шоумен Санжар Мыкыев шок болгононун билдирди. Ошондой эле кадыр-баркка шек келтирүү боюнча сотко берейин деп жатканын кошумчалады.
Белгилесек, Гүлзат Мамытбек видеону соцтармактагы баракчасынан өчүрүп, уюштуруучулар кечирим сураганын, эч кимге таарынычы жок экенин айтат.
