Россиядагы учак кырсыгы. 13 киши каза болду, алардын үчөө балдар
Россиянын Йейск шаарында Су-34 аскердик учагынын турак жайга кулашынан каза болгондордун саны 13 адамга жетти. Бул тууралуу Россиянын Саламаттыкты сактоо министрлиги билдирди.
"Урандыларды тазалагандан кийин ӨКМдин Йейскидеги куткаруучулары кырсык болгон жерден каза болгондордун сөөгүн табышкан. 18-октябрда саат 06:00гө карата кырсыктын кесепетинен 13 адам каза болгон, алардын үчөө жаш бала. 19 адам жабыркап, алардын төртөө аман-эсен ооруканага жеткирилди. Жабыркагандарга бардык керектүү медициналык жана психологиялык жардамдар көрсөтүлүүдө", - деп айтылат министрликтин билдирүүсүндө.
Эске салсак, кечээ, 17-октябрда Россиянын Йейск шаарында аскердик учак кулаган. Кырсыктын кесепетинен турак жай өрттөнгөн.
Кийинчерээк Россия Федерациясынын Коргоо министрлиги Су-34 учагы Түштүк аскер округунун аскердик аэродромунан машыгуу учуу үчүн көтөрүлүп баратканда кулаганын жарыялаган.
