Сабалып каза болгон аялдын небереси кылмышка шектелип кармалды (чоо-жайы)

Сокулук районунда адам өлтүрүүгө шектелген жаран кармалды. Бул тууралуу Чүй облустук ички иштер башкы башкармалыгынын басма сөз кызматы билдирди.

Маалым болгондой, 19-октябрда райондук оорукананын реанимация бөлүмүнө 1952-жылы туулган Г.В. аял алынып келинген. Бул тууралуу райондук ички иштер бөлүмүнө кабарлашкан. Ал оор жаракат менен келип, көп өтпөй каза болгон.

Тема боюнча:

Мас депутат милиция кызматкерин сүзүп кеткен. Азыр ал комада

Кылмышка шектелип, маркумдун 1999-жылы туулган небереси Г.М. кармалды.

Милициянын маалыматы боюнча, жаш жигит мас абалда келгени үчүн чоң энеси урушкан. Ага жинденип небереси мас абалында чоң энеси сабап салган.

Тергөө иштери уланууда.