"Ушулар бизге хан". Жалал-Абадда Жапаров менен Ташиевди колдогон митинг өттү. Видео
Бүгүн, 24-октябрда Жалал-Абадда Садыр Жапаров менен Камчыбек Ташиевди колдогон митингге чыгышты. Алар 40 чоронун жардамы менен бардык бейөкмөт уюмдарды ордуна коёбуз деп коркутушкан. Видеону митингдин катышуучусу Акниет Кеңешов социалдык тармактарга жарыялаган.
Видеодон митингчилер өлкө жетекчилигинин саясатын толугу менен колдоп, башка жарандарды да аларга кошулууга чакырганын көрүүгө болот.
"Биз Садыр Жапаров менен Камчыбек Ташиевди толук колдойбуз жана бизге алардан башка эч кимдин кереги жок. Ушулар гана Кыргызстандын хандары болуп, өлкөнүн экономикасын өнүктүрө алат. Бейөкмөт уюмдар, жөн жүргүлө, ырыңар бүттү. Болбосо "40 чоро" силерди ордуңарга отургузуп коёт. Жапаров менен Ташиев туура саясат жүргүзүп жатат, биз аларды колдойбуз", - деп айтылат видео кайрылууда.
Белгилей кетсек, бүгүн, 24-октябрда Бишкекте да жөө жүрүш өттү. Чогулгандар Кемпир-Абад суу сактагычын Өзбекстанга бербөөнү, активисттерди массалык кармоону, куугунтукту токтонууну талап кылышкан.
