Кайрымдуу жарандар топтогон 6 тонна гумжардам түрк элине жөнөтүлдү
Кыргызстандан Түркияга 6 тонна гуманитардык жардам жөнөтүлдү. Бул тууралуу Түркиянын Бишкектеги элчилиги билдирди.
"Өлкөбүздө катталган катуу жер титирөөдөн жабыркагандарга гуманитардык жардам көрсөтүүнүн алкагында кайрымдуу кыргызстандыктар чогулткан 6 тоннага жакын гуманитардык жардам "Түрк аба жолдору" жана Pegasus аркылуу Түркияга жөнөтүлдү.
Биз кыргыз элине, өкмөтүнө жана Кыргызстандагы диаспораларга көрсөткөн жардамы жана колдоосу үчүн ыраазычылык билдиребиз", - деп айтылат билдирүүдө.
Жөнөтүлгөн жардамдын басымдуу бөлүгү кышкы кийимдер, жууркан-төшөктөр, жаздыктар, уктоочу баштык, балдардын жалаяктары, гигиеналык каражаттар жана тамак-аштан турат.
Ошондой эле 9-февралда ИИМ тарабынан Түркияга гуманитардык жардам иретинде чатырлар, төшөктөр, уктоочу баштыктар, жылыткычтар жана жууркандар жөнөтүлгөн.
