Автобус менен кырсыкка кабылган окуучулар. Ооруканада жаткан 8 баланын бири комада

Бишкек - "Манас" аэропортунун трассасында автокырсыкка кабылган окучулардын сегизи ооруканада дарылануусун улантууда. Алардын биринин абалы оор дейт шаардык №3 балдар клиникалык ооруканасын башкы дарыгери Акылбек Маманов.

Дарыгер Kaktus.media сайтына билдиргендей, бир бейтаптын абалы оор, комада жатат. "Абалында жакшы жакка жылыш болгону менен эсине келе элек", - дейт.

"Ал эми дагы бир окуучу травматология, 6 бала нейрохирургия бөлүмүндө жатат. Абалдары туруктуу. Аптанын аягында кимиси ооруканадан чыгары билинет. Баары план менен", - деп кошумчалады Маманов.

Эске салсак, 20-апрелде окуучуларды ташыган автобус кырсыкка кабылып, 18 бала ооруканага жаткырылган. Анын ичинен 4 баланын абалы оор болуп, жандандыруу бөлүмүндө жатканы кабарланган. Кийинчерээк шаардык №3 балдар клиникалык ооруканасынын башкы дарыгери Акылбек Маманов Kaktus.kg сайтына жалпы 27 бала кайрылганын билдирген.

Чүй ОИИББден жол кырсыгы боюнча кылмыш иши козголуп, тергөө башталганын кабарлаган.