Абитуриенттерди жогорку окуу жайларга кабыл алуу уланууда

Билим берүү жана илим министрлиги жогорку окуу жайларга келишимдик негизде окуу үчүн кышкы кабыл алуунун IV туру башталгандыгын маалымдайт.

• Сынакка катышуу үчүн талапкерлерди каттоо 23-январда башталып, 25-январь күнү саат 14:00дө аяктайт.
• Кабыл алууга сунушталган абитуриенттердин тизмеси 26-январь күнү саат 9:00гө чейин жайгаштырылат.
• Кабыл алууга сунушталган абитуриент окууга болгон каалоосун 28-январь саат 16:00гө чейин тастыктоосу керек.

I, II, III турдун жыйынтыгы менен жалпысынан 693 талон катталып, ЖОЖдор 656 абитуриентти кабыл алууга сунуштаган. Андан 554 абитуриент окууга болгон каалоосун ырастады.