Мамкурулушка жакында эле кызматка барган Дастан Жапаров иштен алынды

Мамлекеттик курулуштун директорунун орун басары болуп дайындалган Дастан Жапаров ээлеген кызматынан бошотулду. Маалыматты аталган башкармалыктын басма сөз кызматынан Kaktus.media сайтына ырасташты.

Алтынбек Бегалиев

Ал эми 2-февралда Жапаровдун ордуна директордун орун басары болуп Алтынбек Бегалиев дайындалганы белгилүү болду.

Дастан Жапаровдун кызматтан алынышынын себептери белгисиз.

Дастан Жапаров

Резюме:

• Туулган жылы: 7-март, 1993-жыл.
• Билими: Ж.Баласагын атындагы КУУнун юридикалык институту (2011-2016).
• Эмгек жолу: 2014-жылдан 2021-жылга чейин Кыргыз Республикасынын прокуратура органдарынын системасында кызматтарды аркалаган. 2022-жылдын июнь айынан декабрь айына чейин Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин коррупциянын алдын алуу боюнча комиссары кызматын аркалаган.
• Студент кезинде эле прокуратурада иштей баштаган. Ал жерде бир нече жыл иштеп, 2022-жылы 15-декабрда Мамкурулушка ишке орношкон.