Роналду жеке учагын 20 миллион еврого сатат
Криштиану Роналду менен Жоржина Родригес жеке учагын сатыкка коюшту. Жалпыга маалымдоо каражаттарынын маалыматтарына караганда, түгөйлөр 20 миллион еврого бааланган кымбат Gulfstream G200 учагын жактырбай калышкан.
Криштиану менен Жоржина бизнес жана жеке каттамдар үчүн колдонгон учак Netflix I Georgina сериясында көрсөтүлгөн.
Жубайлар андан чоңураак учак алгылары келгендиктен эскисин сатууну чечишкен.
Криштиану Роналду менен Жоржина Родригес учурда Сауд Аравиянын борбору Эр-Риядда жашашат. Португалиялык футболчу "Аль-Насрга" өткөндөн кийин жылдыздуу түгөй Жакынкы Чыгышка көчүп кетишкен.
Аргентиналык модель ошондой эле жаңы өлкөдө жашоо тууралуу айтып берди, анын айтымында, ал абдан коопсуз жана жагымдуу.
"Мен бул жерде өзүмдү толугу менен коопсуз сезем жана бекем үй-бүлөлүк баалуулуктарды баалайм. Мен Сауд Аравиясынын чөлүнө барганда чоң бакытты сездим. Сауд Аравиясынын чөлүнүн түнкү күчү жана сыйкыры укмуш", - дейт Жорджина.
