Үч айда жол эрежесин бузган айдоочулардан мамлекетке 119 млн сом өндүрүлгөн

Жол кыймылынын коопсуздугун камсыздоо башкы башкармалыгы 2023-жылдын үч айында жол эрежесин бузган 234 миң 303 айдоочуну аныктады. Башкармалыктын басма сөз кызматынан билдиргендей, алардын ичинен:

• 3 312 - тиешелүү документтери жок унаа айдагандар;
• 3285 - мас абалында унаа айдагандар;
• 29 912 - ылдамдыкты сактабаган фактылары;
• 72 159 - коопсуздук курун тагынбастан айдоо фактылары;
• 905 - алдыңкы айнекти мыйзамсыз караңгылатуу;
• 101 - мамлекеттик каттоо номуру жок транспорт каражатын айдоо;
• 91 - автобейбаштык фактысы;
• 88 544 - жол белгилерин сактабагандыгы үчүн;
• 5 384 - каршы тилкеге чыгуу үчүн;
• 30 610 - башка жол кыймылынын эрежелерин бузгандыгы үчүн.

17 миң 390 унаа айып короосуна токтотулуп, айдоочулардан мамлекеттик бюджетке 119 миллион 276 миң сом өндүрүлгөн.