"Кокуловдой иштесе болмок". Дастан Бекешев монополияга каршы кызматты сынга алды

Депутат Дастан Бекешев Монополияга каршы жөнгө салуу кызматынын ишин сынга алды. Ал Жогорку Кеңештин жыйынында билдирүү жасады.

Бекешевдин айтымында, социалдык түйүндөрдө мыйзам бузуулар күн сайын жазылып турат, бирок тиешелүү бөлүм жооп бербейт.

"Монополияга каршы орган жакшы иштебей жатат. Социалдык тармактарда күн сайын коомдук тамактануу жайларда мыйзам бузуулар жарыяланып, бирок эч ким реакция кылбайт. Дүкөнгө барган Эрулан Кокуловдон алар көбүрөк коркушат. Мүмкүн алар жаман көрүшөт, бирок добуш беришип, мына, депутат болуп отурат. Ал эми Монополияга каршы жөнгө салуу кызматы көрүнбөйт, иштебейт, кабар жок. Ал салык төлөөчүлөрдүн акчасын жеген мамлекеттик орган окшойт. А Кокулов камера алып, оюнчуктарды текшергени барып, депутат болуп кетти", - деди Бекешев.

Экономика жана соода министринин орун басары Чыңгыз Макешов социалдык тармактарда ишти күчөтүү ниетин билдирип, жооп кайтарды.

Эл өкүлү жалпы мамлекеттик органдын ишин жакшыртуу зарыл деп жооп кайтарды. "Блогерлерге караганда жакшырак иштейсиңер деп ишенем", - деп нааразы болду ал.

Сүрөт: иллюстрациялык.