Кыргызстанга жасалма доллар алып кирүү аракетине бөгөт коюлду
Кыргызстандын аймагына мамлекеттик чек ара аркылуу өзгөчө ири өлчөмдөгү жасалма чет элдик валютаны ташуу боюнча туруктуу канал аныкталды. Бул туурасында УКМКнын маалымат кызматы билдирет.
Маалым болгондой, 17-майда Мамлекеттик бажы кызматынын ыкчам бажысы менен өз ара аракеттенип, "Ош" аэропортунун өткөрүү пунктунан Түркиядан келген эки чет элдик жаран - 1986-жылы туулган А.Ф.Ш., жана 1988-жылы туулган Н.Ш.Ш. кармалды. Жеке тинтүү учурунда 20 миң доллары өлчөмүндөгү жасалма чет элдик валюталар табылган.
Бул факты боюнча 233-беренесинин 2-бөлүгүнүн 1-пункту (Акчаны жана баалуу кагаздарды жасалмалоо) менен кылмыш иши козголуп, анын алкагында тиешелүү тергөө амалдары жана бул ишке тиешеси бар адамдарды аныктоо боюнча ыкчам иш-чаралар жүргүзүлүүдө.
