Айпери Медет кызы дүйнөлүк рейтингдик мелдеште алтын утту

Бишкекте өтүп жаткан күрөш боюнча дүйнөлүк рейтингдик мелдеште балбан Айпери Медет кызы 76 кг салмак ченинде алтын байгени жеңди.

Айпери Медет кызы бүгүн, 2-июнда мелдештин экинчи күнүндө таймашка чыгып, беттешти квалификациялык айлампадан баштаган.

Медет кызы алгач казакстандык балбанды, андан кийин украиналык спортчуну жеңип алган.

Ал эми финалда кытайлык балбан кызды 5:3 эсебинде утту.

Эскерте кетсек, грек-рим, эркин жана кыз-келиндер күрөшү боюнча Каба уулу Кожомкул жана Раатбек Санатбаев атындагы дүйнөлүк рейтингдик мелдеш 1-4-июнь күндөрү "Бишкек-Арена" муз аянтчасында болуп жатат. Ага дүйнөнүн булуң-бурчунан келген 500дөн ашык спортчу катышууда.