Көлдө милиционерлер туристтердин жоголгон капчыгын жана документтерин таап беришти

Ысык-Көл облустук ички иштер башкармалыгынын туризм жана экология полициясынын кызматкерлери Каракол шаардык ички иштер башкармалыгы менен биргеликте Словениядан келген эки туристтин жоголгон документтерин жана капчыгын табууга жардам беришти. Бул тууралуу Ысык-Көл облусунун ички иштер башкармалыгынын басма сөз кызматы билдирди.

Белгилүү болгондой, Словения жараны полицияга кайрылып, жоготуу тууралуу билдирген. Милиция кызматкерлери ыкчам издөө иштерин уюштуруп, жыйынтыгында жоголгон буюмдардын баарын табышкан.

Милициянын айтымында, туристтер маршруттук таксиде бара жатып документтерин жана капчыгын кантип таштаганын байкашкан эмес.