Жапаров менен Ташиевге ишенгендердин саны төмөндөгөнүн сурамжылоо көрсөттү
Садыр Жапаров менен Камчыбек Ташиевдин эл арасындагы рейтинги акыркы эки жылда бир топ төмөндөдү. Бул тууралуу республикалык Эл аралык институттун (IRI) сурамжылоосунда айтылат.
IRI 5-майдан 25-майга чейин социалдык сурамжылоо жүргүзгөн. Ага бардык аймактардан 1,5 миңдей кыргызстандык катышты.
Сурамжылоонун жыйынтыгына караганда, акыркы жарым жылда саясатчыларга болгон ишеним өзгөрдү. Былтыр президент Садыр Жапаровго респонденттердин 38% ишеним көрсөтсө, азыр ага 35% гана ишенет. УКМКнын башчысы Камчыбек Ташиевге болгон ишеним да төмөндөгөн. Ал эми Адахан Мадумаровго болгон ишеним – 10%дан 6%га төмөндөптүр.
Ал эми депутат Нуржигит Кадырбековго коомчулукта колдоо күчөгөн. Былтыр ага респонденттердин 11% ишенсе, азыр 13%. Ошондой эле респонденттердин Эрулан Кокулов менен Алмазбек Атамбаевге берилгендиги жогрулаган.
