Кыргыз-Кытай чек арасындагы өткөрүү пункттарында айрым эрежелер өзгөрдү
Кыргыз-кытай мамлекеттик чек арасында жайгашкан өткөрүү пункттарынын ишмердүүлүгүнө 6-августтан баштап өзгөртүүлөр киргизилди. Бул туурасында УКМКнын Чек ара кызматынан кабарлашты.
Белгиленгендей, "Торугарт-автожол" жана "Иркештам-автожол" өткөрүү жайлары күн сайын саат 08:00дөн 20:00гө чейин иштеп баштады.
- Аптанын бардык күндөрү жогоруда аталган өткөрүү жайлары жүк ташуучу транспорт каражаттарын өткөрөт;
- Дүйшөмбүдөн жумага чейин (эс алуу күндөрүнөн тышкары) туристтер жана башка жарандар жөө жана жеңил автоунаа менен өтө алышат;
- Ишемби жана жекшемби күндөрү өткөрүү жайлары аркылуу жүк ташуучу траспорт каражаттары гана өтө алышат;
- Өткөрүү жайлары мындай эреже менен 2023-жылдын 30-сентябрына чейин иштейт.
Чек ара кызматынан Кытайга кирүү үчүн жалпы чет элдик паспорту бар жарандар виза ачтыруусу керектигин эскертти.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/13841
