Акжол Махмудов дүйнөлүк рейтингде үчүнчү орунда турат

Кыргызстандык балбан Акжол Махмудов дүйнөнүн эң күчтүү балбандарынын рейтингинде 3-орунду ээледи.

77 килограммга чейинки салмак категориясында кыргызстандык балбандын эсебинде 55 миң упай бар.

Бул салмакта лидер венгриялык Золтан Левай (65675), экинчи орунда түркиялык Юнус Эмре Башар (56500) турат.

Ал эми Жоламан Шаршенбеков дүйнөнүн эң мыкты балбандарынын рейтингинде 2-орунда.

60 кг салмактагы спортчулардын рейтингинде кыргызстандыктар 55 000 упайга ээ.

1-орунду Шаршенбеков дүйнө чемпионатынын финалында жеңген болгариялык Армен Назарян ээледи.