Екатеринбургда кыргызстандык каза болду. Туугандары ал канкорлордон качкан деп жатышат
Екатеринбургда 27 жаштагы кыргызстандык Алтынбек Камбаров таң калыштуу жагдайда каза болду. E1.ru маалымдагандай, 3-ноябрь күнү кечинде жигит Техническая көчөсү менен жолго чуркап чыгып, кичи автобустун туткасынан кармап алмакчы болгон, бирок тең салмактуулукту жоготуп, арткы дөңгөлөктүн астына калган. Ал жеринде, көп кан жоготкону үчүн жан берген.
Айрым күбөлөр жаш жигит жергиликтүү оюн клубунан чыгып, мас абалында болгонун айтышкан. Башкалары Алтынбектин артынан эки канкор чуркап, ал алардан качып жүргөнүн айтышат. Алгачкы сааттарда окуяны кырсык катары кабыл алышкан. Шаардык жол кайгуул кызматы атүгүл кырсыкка күбө болгондорду издеп жатканын да билдирген.
Урал телекөрсөтүү агенттигинин (ТАУ) кабарчылары маркумдун жакындары менен сүйлөшүүгө жетишти. Анын аталаш бир тууганы бул сөзсүз түрдө киши өлтүрүү экенин ынандырат. Анын айтымында, Алтынбек эч качан ичпей, сергек жашоо образы менен жашаган. Бирок ошол түнү ал чындыгында инисинин туулган күнүнөн кайтып келе жаткан. Майрам Техническая, 34 дарегиндеги уйгур ашканасынын жарым жертөлөдөгү кафесинде өткөн.
"Түнкү саат бирде Алтынбек туугандары менен коштошуп, такси күтө баштаган, бирок таксинин ордуна үч жаш бала отурган унаа келген. Алар да кыргызстандыктар болгон. Алар жигитти сабап, бычак менен жарадар кылып, анан артынан кууп киришкен. Жабырлануучу кичи автобус сүзгөндө гана кууп келе жаткан унаа артка бурулган.
Чатактын өзү белгисиз себептерден улам болгон, бирок, акча үчүн эмес. Маркумдун жакындарынын айтымында, алар Алтынбекке ким кол салганын билишет, бирок азырынча бул адамдардын бири дагы кармала элек.
Өз кезегинде Тергөө комитети алардын бул ишке тиешеси жоктугун билдирди. Текшерүү материалы ИИМдин облустук башкы башкармалыгынын Башкы тергөө башкармалыгында", - деп айтылат маалыматта.
