Балбак Түлөбаев: Ысык-Көл облусунун жаңы губернатору иштейби же жокпу?

Депутат Балбак Түлөбаев президенттин Ысык-Көл облусундагы ыйгарым укуктуу өкүлү Эмилбек Абдыкадыров качан ишке киришерине кызыкты.

Жогорку Кеңештин 24-январдагы жыйынында ал Министрлер кабинети мобилдүү иштеп, ченемдик-укуктук актыларды иштеп чыгып, бирок Ысык-Көл облусунун башкы планына келгенде ал жайлап жатканын белгиледи.

"Жаңы губернатор иштейби же иштебейби? Акимдерге, айыл округдарына тапшырма бергиле, эртерээк башкы планды беришсин. Жакында сезон башталат, иштеш керек, башташ керек, аймактык реформа келе жатат. Же кимдир бирөөнүн башкы планга өздөрүнүн кызыкчылыгы барбы?", – деп суроо салды.

Эске салсак, Абдыкадыров менен Түлөбаев буга чейин борбор калаанын мэри болгон. Түлөбаев Ысык-Көл облусун да жетектеген.