Орозо Айтынын датасы белгилүү болду
Орозо айт быйыл 10-апрелге туура келет. Бул тууралуу Кыргызстан мусулмандарынын дин башкармалыгынан билдиришти.
"10-апрель, шаршемби - Орозо айттын биринчи күнү", - деп айтылат маалыматта.
Белгиленгендей, датаны өзгөртүү мүмкүн болсо, алдын ала эскертүү берилет.
Казакстандын муфтияты да орозо кармоонун эң ыктымалдуу күнү 10-апрель болот деп эсептейт. Дин башкармалыгынын сайтында диний майрамдардын даталары төмөнкүчө белгиленет: "Хижрий айлардын башталышы эл аралык астрономиялык изилдөө борборлорунун маалыматтарынын негизинде болгон. Эксперттер диний майрамдардын так даталары бир күн эрте же кеч жылдырылышы мүмкүн экенин эскертишүүдө".
Бардык эрежелер боюнча Орозо айы 29-30 күнгө созулат (айдын көрүнүшүнө жараша). Быйыл орозо 11-мартта башталган.
- Орозо айт – мусулмандардын диний майрамы. Орозо аяктагандан кийин өткөрүлөт. Жылына рамадан айында 12 жаштан жогорку мусулмандар 30 күн орозо кармоого парс делинет. Орозонун акыркы күнү "айбашы" аталып, ар бир үйдө боорсок бышырылып, арбактарга куран түшүрүлүп, кайыр-садага берилет. Эртеси орозо айт майрамы башталат. Күн жаңы чыкканда эркектер жакшы кийим кийип, атка минишип, эркек балдарын да жасалгалуу кунан-тайларга мингизип алышып, айт намазга жыгылганы барышат; кыбыла тарапты карап намаз окушат.
- Бул күнү орозо кармоого тыюу салынган, эгер сиз ыйык ай аяктагандан кийин дароо кармалбай калган орозонун казасын тутууну кааласаңыз, айттын бүтүшүн күтүшүңүз керек.
- Майрам күнү өлкөдөгү бардык мечиттерде жана Бишкектеги эски аянтта айт намазы окулат. Айт намазы – мусулмандардын Орозо айт жана Курман айт майрамдарында чогуу окулуучу намазы. Так убактысы жана орду майрамга жакын өлкөнүн мусулмандарынын дин башкармалыгы тарабынан белгиленет.
- Майрамдык намаздын башталышы күн чыккандан 30 мүнөт өткөндөн кийин башталат. Бешим намазынын кириши менен Айт намазынын мөөнөтү бүтөт.
- Фитр садакасы айт намазы башталганга чейин берилиши керек.
