Сокулукта убактылуу кармоочу жайга киргизилген киши асынып алган
2242
Сокулук РИИБдин убактылуу кармоочу жайынын камерасында 41 жаштагы жаран асынып алды. ИИМден билдиришкендей, алдамчылыкка шектелген киши бүгүн, 2-апрелде суицид жасаган.
Министрлик бул иш жана андан кийинки жүргүзүлүүчү иш-чаралар ИИМдин жана Чүй ОИИББдин жетекчилигинин көзөмөлүнө алынганын маалымдады.
Окуянын жагдайлары такталып, кызматтык текшерүү башталды. Текшерүүнүн жүрүшүндө тийиштүү кызматкерлердин кыймыл-аракеттерине баа берилип, күнөөлүлөргө чаралар көрүлөт.
Процессуалдык чечим кабыл алуу үчүн материалдар тиешелүү органдарга жөнөтүлөт.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/15853
