Президент Кыргызстандын Пакистандагы элчисин дайындады
245
Кыргызстандын Пакистандагы элчиси болуп Авазбек Атаханов дайындалды. Бул туурасында бүгүн, 5-сентябрда президенттин администрациясынан кабарлашты.
Маалым болгондой, Садыр Жапаров кол койгон жарлыкка ылайык, Авазбек Атаханов Кыргыз Республикасынын Пакистан Ислам Республикасындагы атайын жана ыйгарым укуктуу элчиси болду.
Авазбек Атаханов тууралуу кыскача:
- 1962-жылы 1-июлда Майлуу-Суу шаарында туулган.
- Чет тилдер адистиги боюнча жогорку билимди Москвада алган.
- 1992-жылдан бери Кыргыз Республикасынын дипломатиялык кызматтарында эмгектенип келет.
- 2023-жылы тышкы иштер министринин орун басары кызматына дайындалган.
- "Кыргыз Республикасынын Атайын жана Ыйгарым укуктуу элчиси" дипломатиялык рангы бар.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/17199
