Кытай Кыргызстанга темир жол куруу үчүн 305 млн доллар насыя берет
62
Кытай Кыргызстанга темир жол куруу үчүн 305 млн доллар насыя берет. Бул боюнча келишимдин долбоору 18-майда Жогорку Кеңештин тармактык комитетинде каралды. Долбоор Кытай - Кыргызстан -Өзбекстан темир жолун курууну көздөйт.
Транспорт министринин орун басары Алмаз Тургунбаевдин айтымында, долбоордун 51 пайызын Кытай каржылайт. Калган 49 пайызы Кыргызстан менен Өзбекстанга тең бөлүнүп, ар бири 24,5 пайыздан камсыздайт. Кыргызстан өз үлүшүнүн жарымын бюджеттен, калганын Кытайдын насыясы аркылуу жабат.
Насыянын көлөмү 2 млрд 75 млн юань же болжол менен 305 млн долларды түзөт. Каражат 25 жылга 1,5 пайыздык үстөк менен жана 5 жылдык жеңилдетилген мөөнөт шартында берилет. Темир жолдун курулушун 2030-жылга чейин аяктоо пландалууда.
Темаңыз барбы? Kaktus.kg'ге жазыңыз Telegram же WhatsApp:
+996 (700) 62 07 60.
url:
https://kaktus.kg/17838
