Ташиевдин иши боюнча соттук угуу өттү
Бүгүн, 18-майда Бишкектин Биринчи Май райондук сотунда мамлекеттик төңкөрүш жасоо аракети боюнча кылмыш ишине байланыштуу алдын ала соттук угуу өттү.
Аталган иштин фигуранттарынын арасында УКМКнын мурдагы төрагасы Камчыбек Ташиев, мурдагы башкы прокурор Курманкул Зулушев, Жогорку Кеңештин мурдагы төрагасы Нурланбек Тургунбек уулу жана башкалар бар.
Соттук отурумга Ташиев келген эмес. Адвокат Икрамидин Айткулов айыпталуучулардын алдын ала отурумга катышуусу шарт эмес экенин билдирген.
Ал соттук териштирүү адвокаттардын катышуусуз да болушу мүмкүн деп кошумчалады.
Кийинки отурум 21-майга саат 10:00гө белгиленди.
Эске салсак, буга чейин Башкы прокуратура Ташиевге карата кылмыш иши боюнча айыптоо актын бекиткен. Ал "бийликти күч менен басып алууга даярданган" жана "кызматтык абалынан кыянаттык менен пайдаланган" деп айыпталууда.
