Садыр Жапаров балдарды майрамы менен куттуктап жайкы эс алуунун көңүлдүү өтүүсүн каалады
kaktus.kg

Садыр Жапаров балдарды майрамы менен куттуктап жайкы эс алуунун көңүлдүү өтүүсүн каалады

60  0

Кыргыз Республикасынын Президенти Садыр Жапаров кыргызстандыктарды 1-июнь - Балдарды коргоонун эл аралык күнү менен куттуктады. Бул тууралуу президенттик аппараттын маалымат бөлүмү билдирди.

Kaktus.kg редакциясын куттуктоонун текстин жарыялайт:

"Кымбаттуу балдар, урматтуу ата-энелер!

Жайдын биринчи күнүндө биз салттуу түрдө балдарды коргоонун эл аралык күнүн белгилеп келебиз.

Бул күн жаш муунга кам көрүүнүн милдетин чоңдордун эсине салып, эскертип турат. Балдар - биздин байлыгыбыз, ошондуктан биз, чоңдор, ар бир баланын мээримди, боорукердикти сезип чоңоюшу үчүн болгон күч-аракетибизди үрөшүбүз керек.

Жаш муунга ар тараптуу кам көрүү, үй-бүлө институтун чыңдоо, үй-бүлөлүк баалуулуктарды өркүндөтүү бизден туруктуулукту, акылмандыкты, сезимталдуулукту жана чыдамкайлыкты талап кылат. Биз балдарды коргоо менен гана чектелбестен, алардын укуктарын жана мыйзамдуу кызыкчылыктарын жүзөгө ашыруу үчүн укуктук, социалдык-экономикалык шарттарды түзүшүбүз керек. Бул мүдөөлөр - мамлекеттик масштабдагы милдеттер, алар ата-энелердин жана жакындарынын гана эмес, бийликтин да аракетин талап кылат.

Кымбаттуу кыргызстандыктар!

Ушул маанилүү күнү мен балдарды жек көрүүчүлүктүн заарынан жана жамандыктан коргоого үндөп кетер элем. Баланын ар тараптуу өнүгүүсүнө талыкпай жардам берүү үчүн, эң башкысы, анын коопсуздугу менен ден соолугу жөнүндө кам көрүп, интеллектуалдык жана руханий өнүгүүсүнө шарт түзүү зарыл. Кантсе да, өлкөбүздүн келечеги жаш мекендештерибиздин канчалык деңгээлде корголгону, алардын өнүгүүсү үчүн жагымдуу шарттарды түзүүгө багытталган милдеттер канчалык натыйжалуу жүзө ашырылганы менен байланыштуу.

1-июнь - көптөн күткөн жайкы эс алуунун башталышы. Сиздерге көңүлдүү эс алуу, жакшы таасирлерди, жаркын идеялардын ишке ашышын жана тилектериңердин орундалышын каалайм!

Бардык ата-энелерге жана алардын балдарына чың ден соолук, бакты-таалай жана бакубат жашоо тилейм"!

Тема барбы? Kaktus.media'га жазыңыз: +996 (700) 62 07 60 (Бишкек) , +996 (558) 77 88 11 (Ош)
URL: https://kaktus.kg/1832Шилтемени көчүрүү
Комментарийлер
дефолтная аватарка юзера
Колдонуучулардын комментарийлери модератор текшергенден кийин гана сайтка чыгат.
Комментарий калтыруунун шарттары
Биздин сайтта болбойт:
  • бирөө жарымды кемсинтүү
  • анын ичинде комментаторлорду дагы
  • кимге болбосун коркутуп-опузалоого
  • анын ичинде "сүйлөшүү үчүн жолугушууга"
  • далили жок же күбөлөрдүн көрсөтмөсү жок компромат маалыматты жарыялоого
  • КРдин мыйзамына каршы чыккан комментарийлерди жарыялоого
  • транслит менен комментарий жарыялоого
  • баш тамга менен комментарий жазууга
  • башкалардын аброюна, улутуна, динине шек келтирүүчү комментарийлерди жазууга
  • бир жаңылыктын алдында ар башка ник менен комментарий калтырууга
  • Ник катары "Кактус", "kaktus", "kaktus.kg" дегеле интернет басылманын атынан айтылып жаткандыгын көрсөтүүчү ушул өңдүү сөз айкаштарды колдонууга
  • материалдын маанисине дал келбеген комментарийлерди калтырууга
  • ник катары башка реалдуу адамдын аты-жөнүн колдонууга
  • башка сайттардын шитемелерин жана гиппершилтемелерин көрсөтүүгө Комментарийлер (анын ичинде никтер дагы) үч тилдин биринде гана жазылышы мүмкүн: мамлекеттик (кыргыз), расмий (орус) же эл аралык (англис).
  • Жогоруда аталган тилдерди бир комментарийде бир эле учурда колдонууга уруксат берилет.
ӨЙДӨ  
АРТКА