Максат Сабиров УКМКга суракка чакыртылды
Жогорку Кеңештин мурдагы депутаты Максат Сабиров Кыргызстандын Улуттук коопсуздук мамлекеттик комитетинин имаратынан чыгып баратып, "Кумтөр" ишинин күбөсү катары суракка чакырылганын жана 2021-жылдагы иш боюнча суракка алынганын айтты.
Макат Сабировдун айтымында ага ашыкча маалымат берүүгө тыюу салынган, ошондуктан мындан башка эч нерсе жөнүндө айтып бере албайт.
Бир күн мурун, 31-майда УКМКдагы сурактан кийин, КСДП фракциясынан Жогорку Кеңештин депутаты, экс-президент Сооронбай Жээнбековдун бир тууган иниси Асылбек Жээнбеков жана КСДП фракциясынын депутаты Төрөбай Зулпукаров камакка алынган. Асылбек Жээнбеков "Кумтөр" иши боюнча, ал эми Төрөбай Зулпукаров - "Мыйзамсыз баюу" беренеси боюнча шектелүүдө.
Мындан тышкары, экс-премьер-министр Өмүрбек Бабанов, экс-парламенттин депутаттары Исхак Пирматов жана Талантбек Узакбаев кармалган.
