Ташкентте Чынгыз Айтматовдун 92-жылдыгына карата фото көргөзмө уюштурулду
RU

Ташкентте Чынгыз Айтматовдун 92-жылдыгына карата фото көргөзмө уюштурулду

Все самое интересное в Telegram

22-декабрда, Кыргыз Республикасынын Өзбекстан Республикасындагы Элчилиги Шанхай Кызматташтык Уюмунун (ШКУ) Өзбекстандагы Элдик Дипломатия Борбору менен биргеликте Ташкенттин сүрөттөр үйүндө улуу жазуучу Чыңгыз Айтматовдун 92 ​​жылдыгына карата сүрөт көргөзмөсүн уюштурду. Мындай маалыматты Кыргызстандын Өзбекстандагы элчилиги таркатты.

Фотокөргөзмөдө биринчи жолу Чынгыз Айтматовдун уулу, жазуучунун Үй-музейинин жетекчиси Элдар Айтматовдун үй-бүлөлүк архивинен алынган 70тен ашуун уникалдуу сүрөттөр көрсөтүлдү.

Фотокөргөзмөнүн ачылыш аземинде Элдар Айтматовдун иш-чаранын катышуучуларына жана конокторуна жолдогон видео кайрылуусу көрсөтүлдү.

Иш-чарада ШКУнун Элдик дипломатия борборунун директору Кобилжон Собиров, Элчиликтин Биринчи катчысы Азамат Алманбетов, Өзбекстандын Улуттук университетинин алдындагы "Чынгыза Айтматов" борборунун башчысы Ахмаджон Мелибоев, Өзбекстандагы Кыргыз улуттук маданий борборунун төрагасы Рахматулла Жаббаров, ошондой эле "Өзбекстан-Кыргызстан" достук коомунун аткаруучу директору Зухриддин Исомуддинов сөз сүйлөштү.

Фотокөргөзмөнүн ачылышында ошондой эле Өзбекстандын көркөм Академиясынын, Өзбекстан жазуучулар Союзунун, Ташкенттеги дипломатиялык корпустун өкүлдөрү, мекендештер, ошондой эле жалпыга маалымдоо каражаттары катышты.

Фотокөргөзмө 2021-жылдын 22-январына чейин уланат.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/186