Эрдоган Жапаров менен Анкарадагы президенттик сарайда кантип жолугушту? Видео
Бүгүн, 9-июнда, Кыргызстандын Президенти Садыр Жапаров расмий иш сапары менен Түркияда. Мамлекет башчынын басма сөз кызматы билдиргендей, Түркиянын президенти Режеп Эрдоган Садыр Жапаров менен Анкарадагы президенттик сарайда жолугушту.
Расмий жолугушуу аземинде Кыргыз Республикасынын Президентинин кортежинин атчан кароолчусун президенттик сарайдын дарбазасына чейин узатуу каралган. Флагштоктордо Кыргыз Республикасынын жана Түркия Республикасынын мамлекеттик желектери көтөрүлдү. Ардактуу караулдун ротасы тизилип, эки өлкөнүн гимндери жаңырды.
Кыргыз Республикасынын Президенти ардактуу караулдун түзүлүшүн кубаттады.
Эки өлкөнүн президенттеринин жолугушуусунун расмий аземинен жана делегациялардын бет ачар аземинен кийин Эрдоган менен Жапаров тар чөйрөдөгү сүйлөшүүлөр үчүн залга барышты.
