Шайлоого байланыштуу Токмоктуктар БШКнын жана Ак үйдүн алдында митингге чыгышты
RU

Шайлоого байланыштуу Токмоктуктар БШКнын жана Ак үйдүн алдында митингге чыгышты

Все самое интересное в Telegram

Бүгүн, 23-июлда Борбордук шайлоо комиссиясынын имаратына бир нече ондогон Токмоктун тургундары келишти. Алар БШКнын мүчөлөрүнөн "Эл биримдиги" партиясына карата акыйкат чечим кабыл алууну талап кылышууда.

Эске салсак, буга чейин Токмок АШКсы партиянын агитаторлору тарабынан пара алгандыгы тастыкталган фактылардан улам партияны шайлоодон чыгарган.

Партия мындай чечимге макул эмес жана БШКда чечимге каршы чыккан.

Бүгүн бул маселе боюнча жыйын өткөрүү пландалган.

Митингчилердин айтымында, алар акыйкаттыкка жетип, партиянын мандат бөлүштүрүүсүнө жол бербөө ниетинде.

Токмок шаарынын тургундары Борбордук шайлоо комиссиясынын башчысы Нуржан Шайлдабекова менен жолугушууга жетишип, бардык арыз-даттанууларын ага билдиришти.

Андан кийин алар "Ак үйгө" барышкан, бирок алардын жанына эч ким чыккан жок.

"Эмгек" жана "Асыл Мурас-Жаштар" партиялары Токмак АШКсынан добуштарды кайра санап чыгууну суранышты, АШК алардын өтүнүчүн канааттандырды. Буга жооп катары "Бирге-Вместе", "Эл биримдиги" жана "Патриот Ынтымагы" партиялары Борбордук шайлоо комиссиясына АШКнын чечимине нааразы болушту. Борбордук шайлоо комиссиясы аймактык комиссия туура эмес иш алып баргандыгын аныктап, добуштарды кайра санабай турууну чечти.

Ошол эле учурда, Токмок АШКсы шайлоо жараянынын эрежелерин бузгандыгына байланыштуу "Эл биримдиги" партиясын шайлоодон четтетти. Партия шайлоочуларга пара берген деп айыпталууда. Мандаттар буга чейин дайындалган.

Темаңыз барбы? Kaktus.kg'ге жазыңыз Telegram же WhatsApp: +996 (700) 62 07 60(Бишкек)
url: https://kaktus.kg/2715