Айсулуу Тыныбекованын беттеш трансляциясы Ала-Тоо аянтында көрсөтүлөт(видео)
Бишкекте, Ала-Тоонун борбордук аянтында Олимпиада оюндарынын трансляциясы башталды.
Шаардыктар Айсулуу Тыныбекова, Мээрим Жуманазарова жана Акжол Махмудовдун күрөшүн көрө алышат.
Тыныбекова кыз-келиндер күрөшүндө 62 килограммга чейинки салмак ченинде күч сынашат, анын биринчи жеңиши латвиялык Анастасия Григорьеванын үстүнөн болгон. Ал экинчисинде румыниялык Криста Тунде Инчени утуп алды. Айсулуу жеңишке мөөнөтүнөн мурда жетишти, адегенде 6:0 эсебинде алдыга чыкты, андан кийин атаандашынын далысын килемге бастырды (туше), бул таза жеңишти билдирет.
Финалга чыгуу үчүн анын атаандашы украиналык Ирина Коляденко болмокчу. Жарым финалдык беттештер 15:15те башталат.
77 килограммга чейинки салмакта грек-рим күрөшү боюнча коло жана алтын үчүн беттештер 16:30да башталат. Акжол Махмудов финалда күч сынашат, анын атаандашы 2012-жылкы Олимпиада оюндарынын күмүш байгечиси, 2019-жылдагы дүйнө чемпиону жана Европанын төрт жолку чемпиону венгриялык Тамаша Лоринца болмокчу.
Белгилей кетсек, аянтка УКМКнын башчысы Камчыбек Ташиев да келген.
