Бирдиктүү күрөш дүйнөсү Айсулуу Тыныбекованы тарыхтын жаратуучусу деп атады
Бириккен дүйнөлүк күрөш (United World Wrestling, UWW) уюму Айсулуу Тыныбекованы тарыхтын жаратуучусу деп атады. UWW ага арналган постту Инстаграмдагы жана Фейсбуктагы расмий баракчаларына жарыялады.
"Кыргызстан үчүн, ооба, мен аялдар күрөшү боюнча биринчи күмүш медалга ээ болдум", - деп UWW Тыныбекованын сөзүн келтирет.
Белгилей кетсек, 4 -августта Тыныбекова 62 килограммга чейинки салмакта кыз -келиндер күрөшү боюнча Олимпиада оюндарынын финалында беттешкен. Анын атаандашы жапониялык Юкако Кавай болгон. Кыргызстандык алтын үчүн кармашта бир упай айырма менен утулуп, ошону менен күмүш медалдын ээси болду.
Бул Кыргызстандын тарыхындагы аялдар күрөшү боюнча гана эмес, жалпы спортчу кыздар арасындагы биринчи күмүш.
Эске салсак, бир күн мурун коло медалды утуп алган Мээрим Жуманазарованы дагы
UWW тарыхтын жаратуучусу деп атаган, анткени анын колосу Кыргызстан үчүн аялдар арасындагы биринчи медал болгон.
