Москвада Wylsacom деген блогер кичинекей кыргызстандыкка жаңы iPhone белек кылды

Москва шаарында Wylsacom каймана аты менен белгилүү болгон блогер Валентин Петухов кичинекей кыргызстандыкка iPhone белек кылды. Жолугушуунун видеосу TikTok тармагына жарыяланган.

Видеодо көрүнүп тургандай, атасы уулун көтөрүп алып, блогер менен селфи жасоону суранып, баласынын туулган күнү экенин айткан. Муну уккан Валентин кичинекей балага, Apple компаниясынын продукциясы салынган баштыктан каалаган нерсесин тандап алууну сунуштайт.

Ал колун баштыкка салып, тандап баштаган. Натыйжасында, кичинекей кыргызстандык Apple компаниясынын жаңы смартфонун чыгарган.

Баласы менен атасы мындай белекке аябай кубанып, блогерге ыразычылык айтышты.