Садыр Жапаров Глазгого атайын учак жалдап учуп кеткен. Президенттин аппараты эмне дейт?
Кыргызстандын Президенти Садыр Жапаров Бириккен Улуттар Уюмунун Климаттын өзгөрүшү боюнча Алкактык конвенциясынын 26-конференциясына катышуу үчүн Глазго шаарына (Шотландия) чартердик жеке учак менен учуп кетти. Бул тууралуу Kaktus.media маалымат булактары билдирди.
Учак Бишкек шаарынан учкан.
Буга чейин Садыр Жапаровдун жыйынга катышуусу мамлекет башчы учкан учактан улам күмөн жаратып келген.
Бул тууралуу президенттин администрациясы билдирди.
"Өлкө башчы учуп бараткан №1 борт (Ту-154) Евробиримдиктин жана Улуу Британиянын техникалык стандарттарына жооп бербейт, ушуга байланыштуу кыргыз тарапка бул типтеги учактардын конуусуна мүмкүн эместиги кабарланган".
Улуу Британия жана Түндүк Ирландиянын Бириккен Королдугунун талаптарына ылайык, Кыргыз Республикасынын делегациясын Глазго шаарына жеке учак менен алып баруу чечими кабыл алынды.
Белгилей кетсек, Кыргызстандын делегациясы БУУнун климаттын өзгөрүшү боюнча алкактык 26-конференциясына жана дүйнөлүк лидерлердин саммитине катышууда.
Иш-чара жыл сайын өтүүчү платформа болуп саналат, анда жогорку деңгээлдеги делегаттар климаттын өзгөрүшүнө каршы күрөшүү боюнча кийинки кадамдарды талкуулоо үчүн чогулушат.
Президент учкан Ту-154М учагы техникалык жактан эскирип, эл аралык талаптарга жооп бербейт. Кыргыз Республикасы Европанын асманында учууга тыюу салынган өлкөлөрдүн кара тизмесине кирген. Бул учакты 2008-жылы Орусиянын президенти Владимир Путин белек кылган.
Буга чейин Кыргызстандын жетекчилери эл аралык конференцияларга катышуу үчүн кадимки учактар менен учуп келишкен. Мисалы, Сооронбай Жээнбеков АКШга кадимки рейс менен учуп барган, бирок бизнес-класс менен.
Алмазбек Атамбаев өлкөнү жетектеп турганда мамлекет башчысына учакты ижарага берүү боюнча сүйлөшүүлөр башталып, бирок маселе талкуудан өткөн эмес.
